fbpx
Þriðjudagur 24.nóvember 2020
433Sport

KSÍ hefur tekið ákvörðun um að gefast ekki upp – Vilja hefja leik í byrjun nóvember

Hörður Snævar Jónsson
Þriðjudaginn 20. október 2020 16:17

Ekki missa af Helstu tíðindum dagsins í pósthólfið þitt

Lesa nánar

Knattspyrnusamband Íslands hefur tekið þá að reyna að hefja Íslandsmótin í knattspyrnu aftur í byrjun nóvember ef reglugerðir frá yfirvöldum leyfa. Ekki er leyfilegt að stunda knattspyrnu með eðlilegum hætti á höfuðborgarsvæðinu um þessar mundir en það er í lagi á landsbyggðinni. Er þetta vegna COVID-19 veirunnar.

Tvær umferðir eru eftir í neðri deildum og í efstu deild kvenna, fjórar umferðir eru eftir í efstu deild karla.

Stjórn KSÍ hefur fundað stíft síðustu daga en talsverður þrýstingur hefur verið um að blása mótin af frá félögum sem hafa hag af því.

KSÍ hefur gefið sér til 1 desember að klára öll mót og má ætla að það takist í öllum deildum verði mótin sett af stað helgina 7-8 nóvember

KSÍ mun á morgun kynna hvenær leikirnir fara fram í deildarkeppnum. „Að mótum meistaraflokka verði haldið áfram í öllum deildum að því tilskyldu að takmarkanir á æfingum og keppni verði afnumdar eigi síðar en 3. nóvember,“ segir í yfirlýsingu KSÍ og á þar við núverandi reglur sem eru í glidi vegna veirunnar.

Yfirlýsing KSÍ:
Stjórn KSÍ fundaði í gær og í dag, þriðjudaginn 20. október, um stöðu Íslandsmóta í knattspyrnu og bikarkeppni karla og kvenna vegna takmarkana og banns við æfingum og keppni samkvæmt bráðabirgðaákvæði reglugerðar heilbrigðisráðuneytis. Á fundinum var eftirfarandi ákveðið:

Að mótum meistaraflokka verði haldið áfram í öllum deildum að því tilskyldu að takmarkanir á æfingum og keppni verði afnumdar eigi síðar en 3. nóvember.
Að keppni skuli hætt í öllum yngri flokkum og í eldri flokkum (40+ og 50+).
Niðurröðun leikja með nýjum leikdögum verður gefin út á miðvikudag.

Stjórn KSÍ hefur áður ályktað um að leita verði allra leiða til að ljúka mótum í meistaraflokki samkvæmt mótaskrá auk þess sem stjórn ÍTF hefur ályktað á sama veg. Þó er ljóst að þau áform eru háð óvissu og í þeirri von að úr því ástandi rætist sem nú blasir við. Með hliðsjón af því og þróun mála næstu daga mun stjórn KSÍ taka ákvörðun um Mjólkurbikarkeppni karla og kvenna.

Standi reglur yfirvalda ekki vegi fyrir því að unnt verði að hefja keppni að nýju í byrjun nóvember munu KSÍ og aðildarfélögin vinna samkvæmt öllum reglum sem settar verða af heilbrigðisyfirvöldum og kappkosta um að fylgja áfram ítrustu sóttvarnarúrræðum.

Frá stjórn KSÍ:
Það er ljóst að ákvörðunin um að halda áfram keppni er tekin á erfiðum tímum í samfélaginu. Keppnistímabilið hefur reynt á aðildarfélögin og iðkendur okkar sem og sjálfboðaliða. Á sama tíma höfum við staðið undir þeim áskorunum sem við höfum þurft að takast á við saman og notið fótboltans á þessum erfiðu tímum. Það er í þeim anda sem að við teljum mikilvægt að við klárum tímabilið í öllum deildum þar sem skýr niðurstaða liggur ekki fyrir í deildakeppninni.

Það reynir á okkur í knattspyrnuhreyfingunni eins og samfélagið allt en við vonumst til þess að í góðu samráði og samkvæmt reglum heilbrigðisyfirvalda takist að finna leiðir til þess að ljúka deildarkeppninni fyrir 1. desember. Við stöndum saman þegar á reynir og látum úrslitin ráðast á vellinum ef mögulegt er.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 7 klukkutímum

Salah klár á morgun eftir stutta baráttu við COVID-19

Salah klár á morgun eftir stutta baráttu við COVID-19
433Sport
Fyrir 8 klukkutímum

Lyktaði eins og áfengistunna þegar hann keyrði á tvo bíla

Lyktaði eins og áfengistunna þegar hann keyrði á tvo bíla
433Sport
Fyrir 11 klukkutímum

Lið helgarinnar í enska – Rosaleg sóknarlína

Lið helgarinnar í enska – Rosaleg sóknarlína
433Sport
Fyrir 12 klukkutímum

Eigendur City með tíu ára plan fyrir Messi ef hann kemur 34 ára til félagsins

Eigendur City með tíu ára plan fyrir Messi ef hann kemur 34 ára til félagsins
433Sport
Í gær

Wolves náði stigi gegn Southampton

Wolves náði stigi gegn Southampton
433Sport
Í gær

Þjálfari Burnley ánægður með spilamennskuna – „Við vorum með stjórn á leiknum“

Þjálfari Burnley ánægður með spilamennskuna – „Við vorum með stjórn á leiknum“
433Sport
Í gær

Jóhann Berg spilaði í fyrsta sigri tímabilsins

Jóhann Berg spilaði í fyrsta sigri tímabilsins
433Sport
Í gær

Messi ekki með Barcelona í Meistaradeildinni á morgun

Messi ekki með Barcelona í Meistaradeildinni á morgun