Edinson Cavani framherji Manchester United er laus úr 14 daga sóttkví og gat mætt á sína fyrstu æfingu hjá Manchester United í gær.

Cavani var án félags þegar United samdi við hann og því var hann ekki flokkaður sem atvinnumaður í kerfinu. Hann varð því að fara í sóttkví.

Þessi 33 ára framherji kom frítt frá PSG en hans fyrsti leikur fyrir United gæti komið á morgun gegn PSG í París. Um er að ræða fyrstu umferð í riðlakeppni Meistaradeildarinnar.

United vann góðan 1-4 sigur á Newcastle um helgina en þétt verður spilað næstu vikurnar og Cavani ætti að koma við sögu innan tíðar.

Ekki er öruggt að Cavani spili á morgun en hann hefur ekki spilað fótboltaleik síðan í febrúar þegar franska deildin var blásinn af.