Chelsea hefur ekki verið í vandræðum með að skora mörk í leikjum sínum í ensku úrvalsdeildinni á þessu tímabili. Vandræði Chelsea liggja einna helst í varnarlínu og markvörslu. Chelsea gerði 3-3 jafntefli við Southampton í dag.
Annað mark Southampton kom eftir lélega sendingu frá Kurt Zouma, varnarmanni Chelsea og óákveðni Kepa í marki Chelsea. Che Adams, leikmaður Southampton nýtti sér mistökin og jafnaði leikinn. Markið má sjá neðst í fréttinni.
Kepa hefur gert mörg mistök á tímabilinu, mistök sem urðu til þess að Chelsea keypti markmanninn Edouard Mendy í félagsskiptaglugganum.
Mendy var búinn að vinna sér inn sæti í byrjunarliðinu en gat ekki tekið þátt í leik dagsins vegna meiðsla.
GOAL Chelsea 2-2 Southampton (57 mins)
Che Adams reacts quickest to confusion at the back from Chelsea and prods in to pull Saints level!Kepa and Zouma with the mistake#CHESOU #EndSars
— FootballTV (@_FootballTV) October 17, 2020
