UEFA hefur játað því að nánast ómögulegt verður að halda Evrópumótið næsta sumar í tólf borgum eins og blanið var. EM alls staðar átti að fara fram á þessu ári en var frestað vegna kórónuveirunnar.
Mótið fer fram næsta sumar en veiran gæti enn verið að hrella mannfólkið og UEFA skoðar því aðra kosti.
Ensk blöð segja í dag að nánast sé orðið útilokað að mótið fari fram í tólf löndum, það eykur á smithættu að vera á endalausu ferðalagi.
Mótið fer fram og UEFA vonar að áhofrendur verði á völlunum. Ensk blöð segja að Baku í Aserbaísjan verði líklega ekki á endanlegum lista og Pétursborg í Rússlandi gæti líka dottið út. Bilbao á Spáni er einnig nefnt til sögunnar.
UEFA hefur ekki útilokað að mótið fari bara fram í einu landi til að auka öryggi stuðningsmanna og leikmanna. Sjö leikir fara fram á Wembley og gæti mótið á endanum allt farið fram þar í landi.
Íslenska landsliðið er einum sigri gegn Unverjum frá því að fara á EM en sá riðill á eins og staðan er í dag að fara fram í Búdapest og Munchen.