Donny van De Beek var keyptur til Manchester United í sumar frá Ajax og hefur sýnt ágætis takta. Félagið ætlar hins vegar að bæta á hann vöðvum hratt og örugglega.
Van de Beek hefur sýnt ágætis takta þegar hann hefur fengið tækifæri til í upphafi leiktíðar, ensk blöð segja að félagið sé ánægt með innkomu hans.
Samkvæmt blöðunum er hollenski miðjumaðurinn með öfluga „core“ vöðva en félagið vill bæta á hann kílóum. Félagið telur hann þurfa nokkur auka kíló til að slá í gegn í enska boltanum.
Sagt er að Van de Beek verði settur í svipaðar æfingar og Bruno Fernandes fór í þegar hann kom í janúar og sömu æfingar og félagið notaði til að bæta vöðvum á Cristiano Ronaldo þegar hann kom fyrst til féalgsins.
United borgaði 40 milljónir punda fyrir Van De Beek í sumar en hann á enn eftir að byrja sinn fyrsta leik í deildinni.
Enski boltinn á 433 er í boði 
