Það er byrjuð að myndast talsverð pressa á Ole Gunnar Solskjær stjóra Manchester United í starfi. Hann hefur verið í starfi síðan í desember árið 2018. Eftir ágætis spretti á síðustu leiktíð hefur United ekki byrjað vel í ár.

6-1 tap gegn Tottenham á heimavelli í síðustu umferð hefur sett af stað sögur um að Mauricip Pochettino gæti tekið við liðinu.

Duncan Castles sem vel tengdur málefnum Manchester United heldur því svo fram að jafn besti leikmaður liðsins, Bruno Fernandes vilji losna við Solskjær.

Fernandes er sagður hafa misst alla trú á hæfileikum Solskjær í starfi og breytinga sé þörf til að ná því besta fram úr leikmönnum. Þar segir að Fernandes efist um hæfni Solskjær til að koma United aftur í hóp þeirra bestu.

Ef United heldur áfram að hiksta gæti naglarnir í kistu Solskjær orðið fleiri og félagið á endanum rekið hann. United mætir Newcastle um komandi helgi í ensku úrvalsdeildinni.