„Það er enginn tilgangur fyrir hann að halda áfram,“ segir á forsíðu Dagbladet í Noregi eftir að liðið féll úr leik í umspili um laust sæti á Evrópumótinu næsta sumar. Fjölmiðlar í Noregi vilja að Lars Lagerback, sem eitt sinn var óskabarn íslensku þjóðarinnar verði rekinn úr starfi.
Eftir gott gengi hefur Noregur nú tapað tveimur heimaleikjum í röð og vilja margir að Lagerback verði sagt upp störfum. Noregur telur sig vera með gullkynslóð í höndunum og það að komast ekki inn á Evrópumótið er brottrekstrarsök.
Samningur Lagerback við norska knattspyrnusambandið er til ársins 2022 og forráðamenn þess ætla ekki að gera breytingar. „Að trúa því að hann komi þessu liði inn á HM þegar hann komst ekki inn á EM, er eins og að trúa á jólasveininn,“ segir í frétt Dagbladet.
Lagerback vann hug og hjörtu Íslendinga þegar hann tók við íslenska landsliðinu og stýrði því inn á sitt fyrsta stórmót árið 2016 ásamt Heimi Hallgrímssyni.
„Lagerback er hræðilegur þjálfari, ég veit ekki hvers vegna Noregur réð hann tils tarfa. Hann var bara heppinn með íslenska liðið,“ skrifar einn stuðningsmaður Noregs.
Lars Lagerback is a terrible coach, don’t know why norway hired him. Just got lucky with the iceland team.
We have so many young and good players, but he still sticks with Markus Henriksen and Stefan Johansen over Jens Petter Hauge and Mathias Normann
— ClinicalCalteck🤲⚽️🇳🇴 (@CFCalteckSZN) October 8, 2020
Lagerback needs to go, I don’t want to pile on tonight but those substitutions were criminal. This is such a talented generation of players and they need a manager who will let them play with freedom instead of rigidity.
— Steph (@SJConroy17) October 8, 2020
