Það var ringulreið á æfingasvæði Manchester City í vikunni þegar John Stones, varnarmaður félagsins mætti til vinnu.

Öryggisgæslan á æfingasvæði félagsins ætlaði ekki að hleypa honum inn vegna þess að þeir þekktu ekki bílinn.

Stones mætti á nýjum Rolls Royce jeppa sem kostar rúmar 40 milljónir, maðurinn sem hleypir inn á svæðið þekkir alla bíla leikmanna.

Þegar hann horfði í myndavélina á bifreið Stones þá ætlaði hann ekki að opna, Kun Aguero og Riyad Mahrez voru mættir fyrir aftan hann og byrjuðu að flauta.

Að lokum mætti öryggisvörðurinn út og sá að þetta var Stones, hann var svo fljótur að hleypa Aguero á Ferrari bíl sínum í gegn og Mahrez á sínum veglega Audi bíl.