Arnar Gunnlaugsson, þjálfari Víkings segir sögusagnir um fjárhagsvandræði félagsins stórlega ýktar. Þetta kemur fram á Fótbolta.net í dag.
Kristján Óli Sigurðsson, sérfræðingur Dr. Football hefur haldið því fram að stór hluti leikmanna Víkings eigi inni fjármuni. Komið hefur fram að Kwame Quee og Þórður Ingason eigi inni fjármuni.
„Hvað segja leikmennirnir sem fá ekki borgað þá. Það eru fullt af leikmönnum sem fá ekki borgað,“ sagði Kristján Óli meðal annars í Dr. Football.
Sögurnar hafa farið á kreik eftir að Ingvar Jónsson, landsliðsmarkvörður gekk í raðir félagsins en Víkingur varð bikarmeistari á síðustu leiktíð.
Fótbolti.net spurði Arnar út í málið. „Á þetta að gerast? Nei, en því miður er þetta óheppileg staða hjá mörgum fótboltaliðum að greiðslur berast kannski í seinna falli en við erum ekki að tala um tveggja-þriggja mánaða skuldir,“ sagði Arnar við Fótbolta.net.
„Ég held að leikmenn sem eru búnir að vera lengi í þessu íslenska umhverfi þekki þetta alveg. Er þetta alveg til fyrirmyndar? Leikmenn sem eru að vinna aðra vinnu hljóta að fá borgað annars staðar. Svona er þetta bara, þetta er umhverfið sem við lifum í.“
En eru sögurnar sannar? „Sagan var ekki úr lausu lofti gripinn en hún var krydduð með extra All-season kryddi,“
