Arsenal er í viðræðum við Shakhtar Donetsk um kaup á varnarmanninum Mykola Matviyenko.
Þetta segir umboðsmaður leikmannsins, Yuriy Danchenko, en Arsenal vill fá varnarmann í janúar.
Mikel Arteta mældi með Matviyenko á sínum tíma er hann var aðstoðarmaður Pep Guardiola hjá Manchester City.
,,Undanfarið hafa ég og mínir samstarfsmenn verið í endalausum samræðum við Arsenal og við höfum fundað,“ sagði Danchenko á meðal annars.
Matviyenko er 23 ára gamall hafsent en hann á að baki 20 landsleiki fyrir Úkraínu og er fastamaður hjá Shakhtar í dag.