Antonio Conte, stjóri Inter Milan, hefur látið kollega sinn Jose Mourinho heyra það eftir ummæli sem hann lét falla á dögunum.

Conte tjáði sig nýlega um miðjumanninn Christian Eriksen sem er orðaður við Inter. Hann er samningsbundinn Tottenham sem er undir stjórn Mourinho.

Conte sagði ekkert óvenjulegt á þeim tíma en Mourinho ásakaði hann síðar um að hafa greint frá öllu opinberlega sem var ekki rétt.

,,Ég tala ekki lengur um markaðinn. Síðast þegar ég gerði það þá ákvað einhver sem við öll þekkjum að snúa út úr því sem ég sagði. Ég er hættur að tjá mig,“ sagði Conte.

,,Ég hef aldrei sagt neitt óvenjulegt um janúargluggann sem gerir hlutina erfiðari fyrir aðra stjóra.“

,,Alltaf þegar ég segi eitthvað þá er það ýkt eða það er tekið úr samhengi.“