Liverpool 2-0 Manchester United
1-0 Virgil van Dijk(14′)
2-0 Mo Salah(93′)
Stórleik helgarinnar á Englandi er nú lokið en það fór fram rígur á Anfield í Liverpool borg.
Liverpool fékk þar Manchester United í heimsókn og tókst að hefna fyrir eina jafnteflið á tímabilinu.
Liverpool væri með fullt hús stiga í deildinni ef það væri ekki fyrir eitt jafntefli gegn United fyrr í vetur.
Það voru tvö mörk skoruð á Anfield en það voru heimamenn sem gerðu þau bæði, snemma og seint í leiknum.
Virgil van Dijk skoraði það fyrra á 14. mínútu en í blálokin bætti Mo Salah við öðru.
Liverpool er með öruggt 16 stiga forskot á toppi deildarinnar og á einnig leik til góða.
United er í fimmta sætinu, fimm stigum á eftir Chelsea sem situr í því fjórða.
