Aliko Dangote, ríkasti maður Afríku, hefur staðfest það að hann hafi áhuga á að kaupa lið Arsenal.

Arsenal er í eigu Stan Kroenke í dag en Bandaríkjamaðurinn er oft ásakaður um að sýna því verkefni lítinn áhuga.

Dangote er knattspyrnuaðdáandi en hann mun ekki leggja fram tilboð í Arsenal fyrr en mögulega árið 2021.

,,Já það er lið sem ég væri til í að kaupa einn daginn en það sem ég segi alltaf er að við erum með verkefni að virði 20 milljarða bandaríkjadala í gangi og ég vil einbeita mér að því,“ sagði Dangote.

,,Ég er að reyna að klára að byggja upp þetta fyrirtæki og eftir það, kannski árið 2021, þá getum við gert það.“