Aston Villa hefur staðfest komu Ross Barkley til félagsins á láni frá Chelsea út þessa leiktíð. Þessi 26 ára gamli miðjumaður var ekki í plönum Frank Lampard hjá Chelsea.
Chelsea er að reyna að losa sig við nokkra leikmenn eftir eyðslu sumarsins og er Barkley einn af mörgum sem fer frá Chelsea á næstu dögum.
Barkley varð að stjörnu hjá Everton áður en hann gekk ír aðir Chelsea í janúar árið 2018. Hann hefur ekki náð að festa sig í sessi á Stamford Bridge.
„Að fá leikmenn í gæðaflokki Ross er mikill heiður fyrir félagið, ég er viss um að hann muni njóta sín hérna og bæta liðið,“ sagði Dean Smith stjóri Aston Villa.
Villa virðist vera með öflugt lið á þessu tímabili en Barkley og Jack Grealish ættu að geta myndað öflugt teymi á miðsvæði Aston Villa.
