Valur 1-0 HK
Á Hlíðarenda var staðan markalaus í hálfleik. Patrick Pedersen, leikmaður Vals, náði þó að koma í veg fyrir að leikurinn endaði með markalausu janftefli en hann skoraði fyrsta og eina mark leiksins á 71. mínútu. Lokaniðurstaðan var því 1-0 fyrir Val sem nær með sigrinum að auka forskotið sitt á toppi deildarinnar.
Grótta 0-2 Fylkir
Valdimar Þór Ingimundarson fyrsta mark leiksins fyrir Fylki þegar 10. mínútur voru liðnar af leiknum. Á 34. mínútu náði Hákon Ingi Jónsson að skora annað mark Fylkis í leiknum en eftir það mark voru ekki fleiri mörk skoruð. Lokaniðurstaðan því 0-2 fyrir Fylki sem komst með sigrinum upp í annað sæti deildarinnar. Grótta situr aftur á móti í næst neðsta sætinu með einungis 9 stig. Útlitið er ekki gott fyrir Gróttu því KA, sem situr í sætinu fyrir ofan Gróttu, á tvo leiki til góða.
