Það sem vakti hvað mesta athygli eru tilþrifin hjá manninum sem lýsti leiknum. Vignir Már Eiðsson er sagður vera maðurinn sem var á bakvið lýsinguna en ástríða hans þegar annað mark Þróttar var skorað skein í gegn.
Daníel nokkur deildi myndbandi á Twitter þar sem heyra mátti Vigni öskra af ástríðu þegar markið var skorað. „Sigurður Gísli fer FRAMHJÁ einum, framhjá ÖÐRUM, HANN ER Í DAUÐAFÆRI! MAAAAARK! ANNAÐ SJÁLFSMARK! ER ÞETTA ANNAÐ SJÁLFSMARK ÞARNA?!“ sagði Vignir þegar markið var skorað.
„Hvaða rólyndismaður var að lýsa á Vogar TV í gær?“ spurði Daníel, að öllum líkindum í kaldhæðni, þegar hann deildi myndbandinu. „Hann þarf að sýna aðeins meiri lit í næstu útsendingu.“
Þá segir Eyþór nokkur að allir ættu að fá að kynnast Vigni, hann sé magnað eintak. „Væri nær lagi að fá raunveruleikasjónvarp um hann. Það yrði veisla!“ Þá tekur Andri nokkur í sama streng. „Í sjónvarpið með þennan mann ekki seinna enn á morgun.“
Hér í myndbandinu fyrir neðan má heyra tilþrif Vignis:
Hvaða rólyndismaður var að lýsa á Vogar TV í gær?
Hann þarf að sýna aðeins meiri lit í næstu útsendingu. pic.twitter.com/jQN4mgphwA— Daníel Magnússon (@danielmagg77) August 24, 2020
