Ummælin sem um ræðir komu í kjölfar 3-1 taps Manchester City gegn franska liðinu Lyon í Meistaradeildinni. „Þetta var algjörlega Pep Guardiola að kenna,“ sagði Vlada Sedan, eiginkona Zinchenko, eftir leikinn en Guardiola er þjálfari Manchester City.
„Það að skipta um leikkerfi í svona mikilvægum leik er mjög slappt. Ég hef engan rétt til að gagnrýna þetta en af hverju að spila með þremur miðvörðum? Ég er orðlaus, það að notast við þetta leikkerfi… sjáiði bara hvaða leikmenn eru á bekknum,“ sagði Sedan á YouTube rás sinni í kjölfar leiksins en hún er íþróttafréttamaður. Zinchenko byrjaði einmitt á bekknum í þessum leik og kom ekki inn á.
Zinchenko og Sedan giftu sig í dag en Zinchenko ákvað að nota brúðkaupið til að biðjast afsökunnar á ummælum konunnar sinnar. „Þrátt fyrir að konan mín sé íþróttafréttamaður þá er hún líka aðdáandi,“ sagði Zinchenko. „Hún ferðaðist á alla leikina okkar á tímabilinu því hún er risastór aðdáandi Manchester City. Í myndbandinu er hægt að sjá hvernig henni leið eftir leikinn og hún kom með þessa skoðun því hún, líkt og aðrir aðdáendur, vill sjá okkur gera betur.“
Zinchenko segir að þau skilji það bæði að hún hefði ekki átt að deila þessum skoðunum með öðrum þar sem hún er konan hans. „Ég er að skrifa þetta núna úr brúðkaupinu mínu. Í staðinn fyrir að njóta þessa ótrúlega augnabliks þá varð ég að gera þetta því ég gat ekki sleppt þessu.“
