Christophe Dugarry, fyrrum landsliðsmaður Frakklands, lét allt flakka í viðtali við RMC Sport á dögunum.
Dugarry ræddi stöðu Antoine Griezmann hjá Barcelona en Frakkinn hefur ekki verið upp á sitt besta á tímabilinu.
Það er reglulega talað um vandamál á milli Griezmann og Lionel Messi sem er helsta stjarna spænska liðsins.
Dugarry lét Messi heyra það í viðtali við RMC og kennir honum um vandræði Griezmann.
,,Hvað er Griezmann hræddur við? Krakka sem er einn og hálfur metri á hæð og er hálf einhverfur?“ sagði Dugarry.
,,Það eina sem hann þarf að gera er að sýna smá hreðjar á einhverjum tímapunkti. Ég hef sagt það í ár að það er vandamál með Messi. Hann þarf að lemja hann í andlitið.“
,,Það er rétt að Messi gæti gefið oftar á hann en ég er ekki hissa. Griezmann missir boltann og er ekki að spila með sjálfstraust. Hann ætti að ræða við Messi og leysa vandamálið.“
