Jamie Carragher, goðsögn Liverpool, er harðlega gagnrýndur af sumum knattspyrnuaðdáendum í dag.

Carragher er nafn sem flestir þekkja en hann er í dag einn af sparkspekingum Sky Sports.

Carragher er einnig harður stuðningsmaður Liverpool og var auðvitað glaður er liðið vann deildina á fimmtudag.

Eftir deildarmeistaratitilinn ákvað Carragher að skella sér niður í bæ Liverpool og fagnaði með stuðningsmönnum.

Hann hefur fengið töluverða gagnrýni vegna þess en COVID-19 er ennþá sprellifandi í Bretlandi.

Margir gagnrýna Carragher fyrir að sýna slæmt fordæmi en fjölmargir voru mættir í miðbæinn til að fagna titlinum.