Paul Pogba miðjumaður Manchester United þarf að taka á sig verulega launalækkun ætli hann sér til Juventus í sumar.

Pogba þénar 15 milljónir punda hjá Manchester United á hverju ári en Juventus getur ekki borgað honum þau laun.

Juventus hefur farið illa út úr kórónuveirunni og þarf félagið helst að skera niður kostnað í sumar en félagið er með marga leikmenn á launaskrá.

Félagið vill hins vegar skoða það að kaupa Pogba sem kom til United frá Juventus árið 2016.

Talið er að Pogba þurfi hið minnsta að lækka laun sín um 5 milljónir punda á ári til að komast til Juventus. Tuttosport segir að Mino Raiola umboðsmaður hans hafi fundað með Juventus á dögunum.