Tímavél:

David Beckham, einn frægasti knattspyrnumaður allra tíma var árið 2004 sakaður um gróft framhjáhald, hann var þá og er í dag giftur Victoria Beckham.

Aðdáendur Beckham-hjónanna um allan heim urðu fyrir áfalli þegar sögur um að David hafi haldið framhjá sinni heittelskuðu. „Þetta kemur engum á óvart sem þekkir hann,“ sagði náinn vinur fjölskyldunnar .„Hann hefur verið kynlífslaus í margar vikur og hefur reynt að vera trúr eiginkonu sinni en eitthvað hlaut að gefa sig.“ David bjó sem kunnugt er í Madrid og spilaði með Real Madrid, spúsa hans hafði dvalið í London og hugað að tónlistarferli sínum.

Ástkona hans var hin 26 ára gamla Rebecca Loos, sem er dóttir diplómata. Beckham réði hana sem aðstoðarkonu en hún var látinn fara eftir að myndir birtust af þeim saman í september á síðasta ári sem vakti gremju Victoríu. Beckham hafði sent Rebeccu SMS-skilaboð, þar sem hann útlistaði í smáatriðum hvað hann vildi gera við hana í rúminu. Svo fór að hann fékk ósk sína uppfyllta.

Með klósettpappír hangandi upp úr buxunum
David og Rebecca fóru ásamt vinum sínum á veitingastað og fóru þar í sannleikann eða kontór, þar sem David fékk Rebeccu til að ganga í gegnum veitingastaðinn með klósettpappír hangandi upp úr buxunum. Þar eftir fóru þau á Ananda, einn vinsælasta klúbb borgarinnar. Eitt leiddi af öðru og enduðu þau saman í rúminu.

Önnur kona steig fram:
Önnur kona steig fram sem og sagðist hafa átt í ástarsambandi við David Beckham. Sú heitir Sarah Marbeck og var 29 ára fyrirsæta. Samkvæmt henni hittust þau Beckham fyrst árið 2001 í gleðskap og enduðu saman í rúminu eftir aðeins fjögurra klukkustunda kynni. Hún ætlar að birta alla söguna í næsta hefti News Of The World. Þá hafa fleiri meintar hjásvæfur Davids Beckham gefið sig fram.