Paulo Dybala, leikmaður Juventus lét Cristiano Ronaldo vita af því að hann væri hataður í Argentínu þegar þeir urðu liðsfélagar hjá Juventus.

Ronaldo og Dybala ná vel saman hjá Juventus en Dybala ákvað að láta hann vita hvernig hugsað væri til hans í Argentínu.

,,Ég tjáði Ronaldo að hann væri hataður í Argentínu, það væri út af vaxtarlagi hans og göngulagi,“ sagði Dybala.

,,Sannleikurinn er hins vegar sá að eftir að ég kynnist honum, að hann er allt öðruvísi. Hann er frábær persóna“

Ronaldo hefur náð að festa sig vel í sessi hjá Juventus en ekkert er spilað á Ítalíu núna, vegna kórónuveirunnar.