Ashley Cole, fyrrum leikmaður enska landsliðsins varð fyrir fólskulegri árás á heimili sínu í upphafi árs. Ensk blöð fjalla um málið, en grímuklæddir menn mættu þá á heimili hans.
Nokkrir hraustir menn brutust þá inn bakdyramegin hjá Cole. Sagt er að þeir hafi hótað Cole og bundið hann við stól.
Eftir að hafa bundið Cole fóru þeir um heimilið og stálu því sem þeir töldu verðmætt, þar á meðal var mikið af skartgripum.
Cole átti mjög farsælan feril sem knattspyrnumaður en hann var mjög hræddur eftir atvikið, Cole býr í úthverfi London en hann er í dag þjálfari hjá unglingaliði Chelsea og starfar í sjónvarpi.
Cole lék með Arsenal, Chelsea, Roma og LA Galaxy á ferli sínum en lauk ferlinum með Derby í fyrra.
