Brasilíska goðsögnin Pele segir að hann hafi verið betri leikmaður en bæði Lionel Messi og Cristinao Ronaldo á sínum tíma.

Pele var spurður út í hvort Ronaldo eða Messi væru betri en fór svo alla leið og sagðist vera sá besti af þeim öllum.

,,Eins og staðan er þá held ég að Ronaldo sé stöðugasti leikmaður heims en það má ekki gleyma Messi,“ sagði Pele.

,,Það er erfitt að segja hvort ég hafi verið betri, ég hef oft verið spurður að þessu. Við megum ekki gleyma Zico og Ronaldinho.“

,,Það er oft talað um evrópska leikmenn en það er ekki mér að kenna, ég tel að ég hafi verið betri en þeir allir. Það verður bara einn Pele. Það verður aldrei neinn eins og ég.“