Ciro Immobile, leikmaður Lazio, hefur átt stórkostlegt tímabil með liðinu sem er að berjast um ítalska meistaratitilinn.
Immobile er þrítugur sóknarmaður en hann skoraði í 3-2 sigri Lazio á Genoa á útivelli í dag.
Immobile hefur nú skorað 27 mörk í 25 leikjum í Serie A og er sá fyrsti til að ná því síðustu 61 ár.
Antonio Angellino var sá síðasti til að skora svo mörg mörk í svo fáum leikjum fyrir Inter Milan árið 1959.
Markametið í Serie A er í eigu Gonzalo Higuain sem skoraði 36 mörk í 35 leikjum fyrir Napoli árið 2016.
