Miðjumaðurinn Emre Can er genginn endanlega í raðir Borussia Dortmund í Þýskalandi.
Frá þessu er greint í kvöld en Can gekk aðeins í raðir Dortmund frá Juventus fyrir 18 dögum.
Þá skrifaði Can undir lánssamning en Dortmund hefur strax nýtt sér kauprétt á leikmanninum.
Can kostar Dortmund 25 milljónir evra en Juventus fékk hann frítt frá Liverpool árið 2018.
Can er þýskur landsliðsmaður og hefur einnig spilað fyrir Bayern Munchen og Bayer Leverkusen.