Diego Simeone, stjóri Atletico Madrid, ætlar að vinna stuðningsmenn liðsins aftur á sitt band.

Simeone og félagar hafa verið í vandræðum á tímabilinu og töpuðu fyrir C-deildar liði Cultural Leonesa í bikarnum í síðustu viku.

Stuðningsmenn Atletico eru margir að fá nóg af gengi liðsins sem er heldur ekki gott í deildinni.

,,Ég get ekki sagt neitt um fólkið sem hefur enga trú. Það eina sem ég get gert er að reyna að sýna þeim og ekki með orðum. Orð hafa enga merkingu,“ sagði Simeone.

,,Ég sýni öllum virðingu. Það var baulað á mig hérna því ég gerði ekki vel í seinna skiptið. Stuðningsmennirnir eru harðir þegar liðið vinnur ekki og ég þarf að finna lausn.“