Jurgen Klopp, stjóri Liverpool, segir að félagið hafi ekki átt efni á miðjumanninum Philippe Coutinho í sumar.

Coutinho gekk í raðir Bayern Munchen í sumar en hann var lánaður frá Barcelona á Spáni.

Klopp og Coutinho unnu saman hjá Liverpool áður en Barcelona keypti hann á risaupphæð á síðasta ári.

,,Magnaður leikmaður, við vildum ekki sleppa honum en Barcelona neyddi okkur til að gera það,“ sagði Klopp.

,,Hann er í heimsklassa og þetta eru frábær skipti fyrir Bayern og fyrir Bundesliguna.“

,,Ég tel að þetta henti báðum aðilum. Þetta hljómar kannski undarlega en við áttum ekki efni á honum.“

,,Við erum búnir að eyða því sem við fengum fyrir hann. Ég sagði honum í persónu að hann og Bayern muni ná vel saman.“