Christian Eriksen ætlar að hafna því að fara frá Tottenham í janúar. Hann ætlar að sækja stóru seðlana næsta sumar.

Eriksen verður samningslaus næsta sumar en Tottenham vildi selja hann í sumar og mun reyna aftur í janúar. Eriksen vill frekar verða samningslaus, það styrkir stöðu hans til að fá betri laun.

Það er þekkt stærð þegar öflugir leikmenn verða samningslausir, þá fá þeir hærri laun og stóran bónus þegar þeir krota undir.

Mauricio Pochettino, stjóri Tottenham er pirraður á Eriksen og hefur hann ekki átt fast sæti í byrjunariði Tottenham. Eriksen er harður á sínu.

Eriksen hefur verið einn besti leikmaður Tottenham í ár en hann vill hærri laun og vinna titla á ferli sínum, eitthvað sem Tottenham hefur ekki verið að bjóða.