Frank Lampard, stjóri Chelsea, hefur tjáð sig um Mohamed Salah, leikmann Liverpool.

Salah var liðsfélagi Lampard á sínum tíma hjá Chelsea en hann fékk engin tækifæri á Stamford Bridge.

Egyptinn fór síðar til Ítalíu og sló í gegn áður en Liverpool keypti hann. Lampard hefur nú talað um af hverju Salah fékk ekki sénsinn.

,,Því miður fyrir Mo þá gekk þetta ekki upp hérna en hann á hrós skilið,“ sagði Lampard.

,,Hann fór til Ítalíu og kom svo aftur og nú er hann ofurstjarna. Það er erfitt að spá fyrir hvað hefði getað gerst. Gæðin eru augljóslega til staðar.“

,,Á þessum tíma vorum við með mikil gæði í sókninni. Við vorum með tíur og vængmenn og hann fékk ekki tækifærin af einhverjum ástæðum.“

,,Leikmaðurinn sem hann er núna hjá Liverpool, þú verður að hrósa honum. Eina sem þarf að gera er að horfa á hann.“