Ainsley Maitland-Niles, leikmaður Arsenal, var öskuillur er hann ræddi tap liðsins við Watford um helgina.
Arsenal komst í 2-0 gegn Watford á Vicarage Road en tapaði forystunni niður og endaði leikurinn 2-2.
Maitland-Niles skýtur skotum að Unai Emery, stjóra liðsins, og vill meina að hann hefði átt að skipta um leikplan mun fyrr.
,,Ég get ekki útskýrt hvernig mér líður. Ég held ekki að við höfum verið hræddir,“ sagði Maitland-Niles.
,,Við reyndum að spila eins og við gerðum. Við hefðum átt að breyta þessu í stað þess að vera svo helteknir af því að spila frá aftasta manni.“
,,Við höfum rætt saman sem lið og stjórinn hefur talað við okkur. Við vitum hvað við gerðum vitlaust.“
,,Við getum kennt öðrum um ef við viljum en við verðum að taka ábyrgð sem lið.“