Afturelding rak í síðustu viku, fyrirliða sinn Loic Ondo frá félaginu. Þrír leikir eru eftir í 1. deild karla og Afturelding er í fallbaráttu.

Afturelding hefur ekki viljað tjá sig um ástæðuna en Ondo hefur verið lykilmaður í allt sumar.

Ef marka má frétt hjá Fréttablaðinu er um að ræða uppsafnaðan pirring í þjálfurum og forráðamönnum Aftureldingar. Ondo var latur í að hjálpa til. Heimildir Fréttablaðsins herma að Ondo hafi ekki látið sjá sig eins og til var ætlast á fjáröflun sem haldin var um síðustu helgi.

,,Þannig voru leikmenn liðsins boðaðir til þess að setja upp ball Páls Óskars Hjámtýrssonar sem var hluti af bæjarhátíðinni Á túninu heim sem fram fór um síðustu helgi. Ondo lét ekki sjá sig en hann hefur ítrekað látið sig vanta á fjáraflanir sem þessa og hefur fengið þó nokkrar aðvaranir um að bæta sig á þeim vettvangi,“ segir á vef Fréttablaðsins.

Ondo segir sína hlið á Facebook. ,,Til allra sem hafa sent mér skilaboð og spurningar. Ég vil segja ykkur að þetat er rétt. Ástæðan fyrir fjareru minni voru veikindi hjá stelpunni minni. Hún hafði verið veik dagana á undan,“ sagði Ondo.

,,Ég gerði mistök með því að láta ekki þjálfarinn vita af ástæðunni, ég mun ekki spila meira með Afturelding. Ég vil biðja fjölmiðla að virða mína friðhelgi.“