Heimir Guðjónsson þjálfari HB í Færeyjum, segir frétt Morgunblaðsins um að hann sé á heimleið ranga. Heimir segir ekkert ákveðið í þeim efnum.
Morgunblaðið sagði frá því í vikunni að Heimir væri á heimleið, eftir tvö ár í Færeyjum. Fjölskylda hans myndi brátt flytja heim á leið.
,,Sögur í íslenskum fjölmiðlum eru ekki réttar, ég hef ekkert ákveðið og fjölskyldan er hér enn,“ sagi Heimir.
,,Í fótbolta þá ertu með samning og þegar hann er á enda, þá sestu niður og sérð hvað er á borðinu. “
Heimir er einn besti þjálfari í sögu fótboltans á Íslandi, hann var afar sigursæll með FH.
Heimir var nokkuð óvænt rekinn úr starfi hjá FH haustið 2017. Hann tók þá við HB og gerði liðið að meisturum á fyrsta tímabili.
Heimir hefur síðustu vikur verið orðaður við Breiðablik, KA, Val og Stjörnuna en ljóst er að hann verður eftirsóttur biti.
