fbpx
Laugardagur 29.nóvember 2025
433Sport

Það góða og slæma úr veislunni í Kópavogi: Smiðurinn mun lemja í borðið í kvöld

Victor Pálsson
Mánudaginn 19. ágúst 2019 21:08

Ekki missa af Helstu tíðindum dagsins í pósthólfið þitt

Lesa nánar

Valur og Breiðablik skildu jöfn í Pepsi Max-deild karla í kvöld en leikið var í Kópavogi.

Valsmenn komust í 2-0 snemma leiks en Blikar sneru leiknum sér í vil og komust í 3-2.

Haukur Páll Sigurðsson sá svo um að tryggja Íslandsmeisturunum stig með skallamarki stuttu eftir þriðja mark Blika.

Hér má sjá það góða og slæma úr leiknum.

Plús:

Leikurinn var sjálfur sturluð skemmtun. Við fengum sex mörk og sigurmarkið lá alltaf í loftinu en kom því miður ekki.

Brynjólfur Darri Willumsson stimplaði sig vel inn í Blikaliðið í kvöld og gerði tvö mörk. Blikarnir þurftu svo sannarlega á hans mörkum að halda.

Valsmenn voru stórkostlegir fyrstu 20-30 mínúturnar í kvöld. Minntu fólk á af hverju þeir eru tvöfaldir Íslandsmeistarar.

Blikar lenda 2-0 undir á 19 mínútum en snúa því í 3-2. Það sýnir geggjaðan karakter og ljóst að hausinn var ekki of langt niðri eftir lélega byrjun.

Mínus:

Að missa 2-0 forystu niður í 2-3 er auðvitað bara asnalegt af hálfu Valsara. Mörkin voru líka bara klaufaleg, hefðu vel getað komið í veg fyrir þau.

Varnarleikur beggja liða var oft bara glórulaus. Menn voru rosalega týndir oft á tíðum og mörkin hefðu getað orðið fleiri.

Annað mark Valsmanna skrifast algjörlega á Guðjón Pétur Lýðsson. Átti fáránlega sendingu á miðju vallarins sem fór beint á Andra Adolphsson sem lagði upp mark á Patrick Pedersen.

Þriðja mark Blika var ekki mikið betra. Valsmenn leyfðu boltanum að rúlla í netið. Þrír gátu komið í veg fyrir það en af einhverjum ástæðum þá endaði boltinn í markinu.

Smiðurinn Ólafur Jóhannesson mun lemja í borðið í kvöld. Ekki nóg með að missa þetta niður þá er útlit fyrir að Sigurður Egill Lárusson sé tognaður sem og Patrick Pedersen.

Það verður að viðurkennast að jafntefli gerir ekkert fyrir liðin. Valsmenn þurftu á þremur að halda í Evrópubaráttu og Blikum mistókst að halda í við KR.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Almenn ánægja með störf KSÍ – Flestir neikvæðir er varðar þjónustu við stuðningsmenn á landsleikjum

Almenn ánægja með störf KSÍ – Flestir neikvæðir er varðar þjónustu við stuðningsmenn á landsleikjum
433Sport
Fyrir 17 klukkutímum

Einn besti leikmaður City að verða samningslaus – Guardiola segir að hann ráði för

Einn besti leikmaður City að verða samningslaus – Guardiola segir að hann ráði för
433Sport
Fyrir 20 klukkutímum

Fyrrum framherji United með ráð fyrir Amorim áður en janúarglugginn opnar

Fyrrum framherji United með ráð fyrir Amorim áður en janúarglugginn opnar
433Sport
Fyrir 20 klukkutímum

Vestri fær landsliðsmann frá Senegal – Skoraði gegn Arsenal fyrir nokkrum árum

Vestri fær landsliðsmann frá Senegal – Skoraði gegn Arsenal fyrir nokkrum árum
433Sport
Í gær

Slot svaf illa en ætlar að halda áfram að berjast – Segir frá samtali við þá sem öllu ráða á Anfield

Slot svaf illa en ætlar að halda áfram að berjast – Segir frá samtali við þá sem öllu ráða á Anfield
433Sport
Í gær

Írskir fjölmiðlar svipta hulunni af leynivopni Heimis Hallgrímssonar

Írskir fjölmiðlar svipta hulunni af leynivopni Heimis Hallgrímssonar