NSÍ Runavík og HB í Færeyjum gerðu 1-1 jafntefli um helgina, Guðjón Þórðarson er þjálfari NSÍ en Heimir Guðjónsson stýrir HB.

Um er að ræða tvo sigursælustu þjálfara í sögu Íslands, þeir starfa nú í Færeyjum. Mikael Nikulásson, sérfræðingur Dr Football vill fá þá aftur heim.

Liðin berjast á toppi deildarinnar í Færeyjum en Mikael segir að fótboltinn hér heima sakni þeirra, þetta séu karakterar sem fólk hafi áhuga á.

,,Ég þarf að fara fá þessa menn aftur í efstu deild hérna heima, Gaua Þórðar og Heimi Guðjóns. Takk,“ sagði Mikael í Dr Football í dag.

Mikael segist ekki nenna lengur að horfa á viðtöl við þjálfara hér heima.

,,Þetta er rosalega litlaust í þjálfuninni hérna heima, öll viðtöl. Maður nennir ekki að horfa á þetta lengur, þetta er ekkert skemmtilegt. Hvar eru allir þessir menn? Óli Þórðar, Gaui og Heimir