Gareth Bale, leikmaður Real Madrid, giftist æskuástinni í gær en hann og Emma Rhys-Jones gengu í það heilaga.
Þau hafa lengi verið par og flutti Emma með Bale til Spánar er hann samdi við Real á sínum tíma eftir dvöl hjá Tottenham.
Fjölskylda hennar er þó gríðarlega óánægð með Bale en þau giftust fyrir framan aðeins 60 manns og voru margir sem fengu ekki boðskort.
Föður Emma, Martin, var ekki boðið í brúðkaupið en hann var handtekinn á síðasta ári og ekki í fyrsta skiptið. Hann hefur verið fundinn sekur um alls konar svik á sinni ævi.
Ömmu og afa hennar var heldur ekki boðið í veisluna og trúir afinn ekki sínum eigin augum. Hann ræddi við fjölmiðla og var skiljanlega mjög sár.
,,Ég trúi ekki hvað þau hafa gert. Við hjálpuðum við að ala hana upp,“ sagði John McMurray.
,,Ég var þarna og setti mig í föðurhlutverkið því pabbi hennar var í fangelsi. Hún spurði mig hvort ég gæti leitt hana að altarinu þegar hún myndi giftast Gareth.“