Ronaldinho, fyrrum besti leikmaður heims, var frábær leikmaður á sínum tíma en einnig mjög umdeildur utan vallar.

Móðir fyrrum kærustu Ronaldinho, Maria Aldenice dos Santos, hefur nú opnað sig um samband Ronaldinho við dóttur sína.

Priscilla Coelho heitir þessi ágæta stúlka en hún bjó með Ronaldinho í Rio de Janeiro í Brasilíu.

Eftir að þau hófu sambandið þá vildi Ronaldinho fá sér aðra kærustu og flutti hún inn með parinu. Þau bjuggu því þrjú saman í húsinu en í sitthvoru herberginu.

Ronaldinho var duglegur að skipta um herbergi á kvöldin – annað hvort svaf hann hjá Priscilla eða þeirri nýju sem heitir Beatriz Souza.

Móðir Priscilla sparar ekki stóru orðin og hún er svo sannarlega engin aðdáandi Brasilíumannsins.

,,Ég dó næstum því þegar þau sögðu mér frá þessu. Ég var reið út í Ronaldinho því hann lofaði að elska og sjá um dóttur mína og svo bætti hann bara annarri við,“ sagði Dos Santos.

,,Þetta var skammarlegt fyrir mína fjölskyldu. Hann hugsaði bara um sjálfan sig og vandræðin sem hann var að skapa.“

,,Priscilla kom ekki í heiminn til að taka þátt í einhverju svona. Hún sætti sig við þetta því hún var svo ástfangin af honum.“