Laurent Koscielny, leikmaður Arsenal, hefur neitað að ferðast með liðinu í æfingaferð til Bandaríkjanna.
Þetta staðfesti Arsenal í dag en Koscielny vill komast burt í sumar. Hann á eitt ár eftir af samningi sínum.
Arsenal vill ekki selja Koscielny í sumar og kýs frekar að láta hann klára samning sinn hjá félaginu.
,,Laurent Koscielny hefur neitað að ferðast með liðinu til Bandaríkjanna í æfingaferð,“ sagði í tilkynningu Arsenal í dag.
,,Við erum mjög vonsvikin með þessa ákvörðun Laurent sem er tekin gegn okkar fyrirmælum.“
Koscielny er 33 ára gamall í dag en hann hefur undanfarin níu ár leikið með enska félaginu.