Daniel James gekk í raðir Manchester United í sumar en hann kom til félagsins frá Swansea.

James er 19 ára gamall og mun væntanlega koma reglulega við sögu á Old Trafford á næstu leiktíð.

Í dag er greint frá því að James sé búinn að sanna sig á undirbúningstímabilinu og er í langbesta forminu þegar kemur að leikmönnum liðsins.

James er alltaf fyrstur í mark í spretthlaupum og á enginn roð í hann í þolprófum.

Welski landsliðsmaðurinn tók sér ekki mikið sumarfrí og hefur unnið að forminu í allt sumar.

Hann var til að mynda lang fyrstur í 50 metra spretthlaupi en fimm metrar voru í næsta mann er hann kláraði hlaupið.