Kormákur/Hvöt vann sterkan sigur í 4.deild karla í kvöld er liðið mætti ÍH í sjöttu umferð B riðils.

Kormákur gat komið sér í fjórða sæti deildarinnar og það tókst með 2-0 útisigri á Ásvöllum.

Gengi ÍH hefur verið heldur slakt í sumar og situr liðið í sjötta sæti riðilsins með þrjú stig.

Poppstjarnan geðþekka Kristinn Óli Haraldsson eða Króli, kom við sögu hjá ÍH í tapinu í kvöld.

Króli varð fyrir því óláni að skora sjálfsmark í leiknum en hann skallaði boltann í eigið net í seinni hálfleik.

,,Það má segja að þetta hafi verið b-o-b-a. Laust en boba engu að síður,“ skrifar aðdáendasíða Kormáks á Facebook.

Lagið B.O.B.A ættu allir Íslendingar að þekkja en það var risa slagari frá Króla og Jóa Pé.