Rúnar Páll Sigmundsson, þjálfari Stjörnunnar, var ósáttur með dómgæsluna í kvöld er liðið gerði 2-2 jafntefli við FH.

Stjarnan var með 2-0 forystu í seinni hálfleik en á aðeins tveimur mínútum jafnaði FH metin með mörkum eftir hornspyrnu.

,,Auðvitað er ég ekki sáttur að tapa tveggja marka forystu og hvað þá að fá á okkur tvö úr föstu leikatriði sem er ennþá sárara,“ sagði Rúnar við Stöð 2 Sport.

,,Það gerðist á fimm mínútna kafla sem er ekki gott af okkar hálfu. Við spilum fyrri hálfleik vel og komumst í 2-0 sanngjarnt en svo jafna þeir og gera það ágætlega en það var lélegt af okkur.“

,,Svo kom crucial moment þegar hann dæmir ekki víti sem að mér fannst vera víti. Svo þegar Þorsteinn Már er að sleppa í gegn og er tekinn niður, það er aukaspyrna og rautt að mínu mati. Það var mjög lélegt af dómara leiksins.“