Senol Gunes, landsliðsþjálfari Tyrklands, var ekki sá hressasti á blaðamannafundi í kvöld.

Gunes sá Tyrkland tapa gegn Íslandi á Laugardalsvelli en strákarnir okkar unnu frábæran 2-1 sigur.

Eins og flestir vita voru mikil læti fyrir leik og var tyrknenska þjóðin alls ekki sátt með hvernig komið var fram við landsliðið.

Ítarleg leit var haldin eftir lendingu á Keflavíkurflugvelli og svo veifaði belgískur maður þvottabursta að fyrirliða Tyrklands í miðju viðtali.

Gunes vildi ekkert tjá sig um þetta á blaðamannafundi eftir leik og notar þá afsökun að Tyrkir hafi verið þreyttir í kvöld.

,,Við skulum ræða fótbolta en ekki það sem gerðist, látum aðra um það sem eru í þeim málum. Við komum hingað þreyttir en vongóðir, þetta var fínt fyrir utan fyrsta hálftímann,“ sagði Gunes.