,,Það er óþolandi að tapa fótboltaleikjum og það er ekki eitthvað sem við ætlum að fara að venja okkur á,“ sagði Jóhannes Karl Guðjónsson, þjálfari ÍA eftir 2-1 tap gegn FH í bikarnum í dag.

Fyrsta tap Skagamanna í sumar, staðreynd. Liðið lék með ágætum í dag en Jóhannes var ósáttur með dómara leiksins í fyrri hálfleik. Hann fékk gult spjald og útskýrði af hverju.

,,Það sem ég var óánægður með og það sem ég fékk spjald fyrir, tvisvar eða þrisvar í leiknum keyra menn í markvörðinn okkar þegar hann er kominn með boltann í hendurnar, með það fyrir augum að stoppa sóknir. Það er gult spjald, það er eftir bókinni.“

,,Það er kannski ágætt að vekja athygli á því hér, því liðin eru byrjuð að gera þetta vísvitandi. Þetta gerðist líka í síðasta leik og dómarar eru ekki að spjalda fyrir það.“

,,Auðvitað er eðlilegt að FH-ingar geri allt til þess að stoppa okkur.“

Viðtalið er í heild hér að neðan.