Claudio Ranieri, stjóri AS Roma, ákvað að taka mikla áhættu með ummælum sem hann lét falla í dag.

Ranieri ræddi þar kynþáttaníð á Ítalíu en margir dökkir leikmenn hafa þurft að hlusta á ljótt áreiti úr stúkunni.

Ranieri ákvað að tjá sig um það mál og segir að þetta kynþáttaníð sem þeir fái að heyra sé ekki ‘alvöru rasismi’.

,,Rasisminn sem þið heyrið í stúkunni er bara eitthvað kjánalegt til þess að gera grín að,“ sagði Ranieri.

,,Það er gert á mjög, mjög heimskulegan hátt og gert er grín að leikmanni sem er ekki hvítur.“

,,Þetta er bara kjánalegt. Ég held að það sé ekki alvöru rasismi á vellinum, það er allavegana mjög lítið um það.“