Steven Lennon sneri aftur í lið FH í dag er liðið mætti Íslandsmeisturum Vals á Kaplakrikavelli.
Lennon hefur verið mikið meiddur undanfarið en kom til baka í kvöld og skoraði eitt mark og lagði upp annað í 3-2 sigri.
,,Þetta hefur verið langt undirbúningstímabil fyrir mig. Ég hef verið að glíma við meiðsli síðan á síðustu leiktíð og það er enn ekki fullkomlega komið í lag,“ sagði Lennon.
,,Ég óttast enn að geti ekkert spilað. Það er í raun óvitað hvað vandamálið er. Ég fékk þriðju sprautuna sem hjálpaði, vonandi bregst líkaminn ekki við eftir þennan leik.“
,,Þrjú stig gegn Val, það er alltaf gott. Þeir spiluðu góðan fótbolta og settu okkur undir pressu. Nú eltum við ÍA.“
,,Við erum langbesta lið deildarinnar, um leið og ég og Davíð verðum heilir á ný þá eru ekki neinir 11 leikmenn sem eru betri en þeir sem við erum með.“
,,Valur gæti verið með 27 manna hóp þar sem góðir leikmenn eru fyrir utan. Við erum ekki með þau vandamál. Þeir 11 sem við notum eru bestir á landinu.“
,,Ég hef æft í tvo daga, þetta snýst bara um að skoða hvernig þetta fer. Vonandi kemst ég í betra form því ég andaði með rassgatinu í dag. Ég skoraði þó og lagði upp, það er það sem skiptir máli.“