Uppaldir leikmenn spila mest hjá Fylki það sem af er tímabili, 73 prósent af mínútum liðsins í Pepsi Max-deildinni fara til uppaldra leikmanna. Þetta kemur fram í úttekt, Leifs Grímssonar, sérfræðings um Pepsi Max-deildina. Birti hann þetta á Twitter.
Skagamenn koma þar á eftir og Víkingur er í þriðja sætinu. Erlendir leikmenn spila mest hjá Grindavík og ÍBV, tveimur liðum sem spáð er harði fallbaráttu.
KR er með flesta aðkeypta Íslendinga en þeir hafa spiilað 78 prósent af mínútum KR í sumar. Tafla Leifs um þetta er hér að neðan.
Víkingur er með yngsta meðalaldurinn í fyrstu þremur umferðum mótsins, rétt yfir 25 árin. Skagamenn og KA koma þar á eftir. KR er eina liðið sem er með meðalaldur, yfir þrítugt. Valur, FH, Breiðablik og Stjarnan koma þar á eftir. Lið í eldri kantinum virðast líklegri til afreka í deild þeirra bestu.
Uppruni leikmanna og meðalaldur í @pepsimaxdeildin eftir 3 umferðir. Fylkir með langflesta uppalda, KR ekki neinn hingað til. Víkingar yngstir og KR elstir. #fotboltinet pic.twitter.com/sgKkwnCSYk
— Leifur Grímsson (@lgrims) May 15, 2019
