Phil Foden reyndist hetja Manchester City í dag sem mætti Tottenham í ensku úrvalsdeildinni.

City tryggði sér toppsætið í bili með 1-0 sigri á Tottenham en Foden skoraði eina markið í leiknum.

Foden er efnilegur leikmaður en hann hefur ekki fengið of mörg tækifæri á þessari leiktíð.

Bernardo Silva, liðsfélagi Foden, var valinn maður leiksins í dag en hann stóð sig afar vel á miðju liðsins.

Silva neitaði þó að taka við verðlaununum eftir leik og ákvað að gefa Foden þau í staðinn.

Englendingurinn gat ekki annað en brosað eftir þessa ákvörðun Silva eins og má sjá hér fyrir neðan.