Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í Evrópu er lokaður í stærstu deildunum en slúðrið heldur áfram að rúlla.

Hér má sjá pakka dagsins.

Real Madrid hefur áhuga á Raheem Sterling, leikmanni Manchester City en liðið vill byggja upp nýjan leikmannahóp. (Mirror)

Zinedine Zidane, stjóri Real, hefur varað Thibaut Courtois, markvörð liðsins, við því að hann verði að bæta frammistöðuna ef hann vilji verja mark liðsins. (Sun)

Samuel Umtiti, leikmaður Barcelona, vill ganga í raðir Manchester United eða Manchester City ef hann yfirgefur Barcelona í sumar. (Calciomercato)

Ole Gunnar Solskjær, stjóri Manchester United, er búinn að ákveða hvaða leikmenn séu á förum frá félaginu í sumar. (MEN)

Arsenal er talið hafa áhuga á bakverðinum Antonio Valencia sem yfirgefur United í sumar. (Metro)

Arsenal er einnig talið vera í bílstjórasætinu í kapphlaupinu um Suso, leikmann AC Milan. (Marca

Martin Dubravka, markvörður Newcastle, gæti verið á förum frá félaginu en Juventus er óvænt áhugasamt um hans þjónustu. (Chronicle)