Það er búið að nafngreina manninn sem var með kynþáttafordóma í Manchester-slagnum um helgina. Maður að nafni Anthony Burke sást leika eftir apa í stúkunni og var það áreiti í garð miðjumannsins Fred. Fred er dökkur á hörund en myndavélar sáu áreitið er sá brasilíski var að undirbúa hornspyrnu.

Burke hefur verið sendur í leyfi í vinnunni en hann starfar hjá bygginafyrirtækinu Kier Group. Málið er nú í rannsókn hjá lögreglu og mun Burke ekki mæta til vinnu á meðan. Hann hefur sjálfur neitað því að um kynþáttafordóma hafi verið að ræða.

,,Ég á að vera rasisti af því að það náðist skjáskot af mér, ég er ekki rasisti. Ég var að setja hendurnar mínar í vasann,“ sagði Burke sem hafnar öllu,.

,,Ég veit hvað er satt, ég vil ræða við lögregluna,“ sagði Burke sem var skömmu síðar handtekinn.

Fyrrum eiginkona hans hefur lent illa í því eftir hegðun hans, hún og börn þeirra fá morðhótanir. ,,Þetta er hryllingur,“ sagði konan sem vill ekki koma fram undir nafni, af ótta við fleiri hótanir.

,,Það hafa komið morðhótanir í garð mín og barnanna okkar. Ég hef grátið, ég er í andlegu áfalli. Svona er Burke ekki, fjölskylda hans er dökk að hörund. Ég hef horft á þetta aftur og aftur og get ekki fullyrt að hann sé að leika apa.“