Jurgen Klopp, stjóri Liverpool, var léttur í kvöld eftir sigur sinna manna á Bournemouth, 3-0.

Liverpool vann öruggan útisigur en lenti þó í smá veseni þar sem Dejan Lovren þurfti að fara af velli meiddur.

,,Meiðslin líta ekki of alvarlega út. Það er útlit fyrir að þetta hafi verið krampi,“ sagði Klopp.

,,Hann fann fyrir einhverju og lét okkur vita. Þið þekkið hvernig þetta er á þessum tíma árs, þetta er svipað og Lallana og Wijnaldum lentu í.“

,,Við höfum spilað svo marga leiki þar sem við eltum sigurinn alveg þar til undir lokin, það er mjög sjaldgæft að vera 3-0 yfir og þá áttu að stjórna leiknum.“

,,Þetta var frábært. Það er bara talað um að við höfum haldið hreinu í klefanum. Það væri gagnlegt ef við náum því í næsta leik!“

Enski boltinn á 433 er í boði